ກ່ຽວກັບພວກເຮົາ ແລະ ທີມງານ

ກຸ່ມບໍລິຫານກິດຈະການ ເອັສ-ທຸລະກິດ ເລີ້ມສ້າງຕັ້ງຂື້ນເມື່ອປີ 2009 ເປັນການຮ່ວມກັນລະຫວ່າງ ບໍລິສັດ ເອັສ-ທຸລະກິດການບັນຊີ ຈຳກັດ, ບໍລິສັດ ເອັສ-ແອດວານຊອບແວ ຈຳກັດ ແລະ ບໍລິສັດ ເຄເອັສ ເອັນເຕີພາຍ ອິນໂຟ ໂຊລູຊັນ ຈຳກັດ ໃຫ້ບໍລິການດ້ານການບັນຊີ ການກວດສອບບັນຊີ ບໍລິການດ້ານອາກອນ ຈົດ ທະບຽນສ້າງຕັ້ງທຸລະກິດ ແລະລວມເຖີງການບໍລິການທີ່ກ່ຽວຂ້ອງກັບການບັນຊີແລະອາກອນດ້ວຍທິມງານຄຸນນະ ພາບທີ່ມີປະສົບການແລະຊ່ຽວຊານໃນວິຊາຊິບການບັນຊີແລະກວດສອບ, ກຸ່ມຜູ້ບໍລິຫານທີ່ມີຄວາມຊ່ຽວຊານແລະ ປະສົບການໃນສາຂາຄອມພິວເຕີແລະເຕັກໂນໂລຊີສາລະສົນເທດແລະປະສົບການໃນການພັດທະນາໂປຣແກຣມບັນຊີ ຫລາຍກ່ວາ 12 ປີ ວັນນີ້ໂປຣແກຣມບັນຊີໄດ້ຮັບໃບຢັ້ງຢືນຈາກກົມບັນຊີ ກະຊວງການເງິນເພື່ອໃຫ້ການ ສະຫຼຸບບັນຊີຂອງທ່ານເປັນໄປຢ່າງງ່າຍສະດວກວ່ອງໄວ. ຫົວໃຈສຳຄັນຂອງການໃຫ້ບໍລິການຂອງພວກເຮົາ “ກຸ່ມເອັສ-ທຸລະກິດ” ແມ່ນການຕັ້ງໝັ້ນພັດທະນາແລະຂະຫຍາຍ ຕົວດ້ານເຕັກໂນໂລຊີທີ່ກ້າວໜ້າ ທີ່ມີຄວາມຄິດສ້າງສັນ ເພື່ອການສະໜອງສິນຄ້າ ແລະບໍລິການໄດ້ຢ່າງຖືກໃຈແລະ ຫຼວງຫຼາຍ. “ກຸ່ມເອັສ-ທຸລະກິດ”ເພື່ອແບ່ງປະເພດທຸລະກິດ ອອກເປັນ 4 ປະເພດ ເຊີ່ງແຕ່ລະບໍລິສັດແມ່ນມີວິໃສທັດດຽວກັນຄື: 1. ບໍລິການ ດ້ານການບັນຊີ ການກວດສອບບັນຊີ ແລະ ບໍລິການດ້ານອາກອນ 2. ຄອມພິວເຕີ ແລະ IT-ເຕັກໂນໂລຊີ ສາລະສົນເທດ 3. ພັດທະນາໂປຣແກຣມ ຄອມພິວເຕີ ແລະໂປຣແກຣມບັນຊີ ແລະ 4. ການພັດທະນາ ດ້ານກະສິກຳແບບຍືນຍົງເພື່ອຄວາມໝັ້ນຄົງ ດ້ານອາຫານ